Kryeministri, Edi Rama ka dhënë një deklaratë për mediat pas përgjigjies negative përsa i përket hapjes në negociatave për Shqipërinë.
Rama tha se sërish nuk ishte i surprizuar nga ky rezultat pasi e kishte pritur një vendim të tillë nga Bashkimi Europian. Më tej duke ironizuar BE-në, Rama tha se Rusia ishte vazhdimisht e interesuar për Ballkanin Perëndimor ndërsa Bashkimi Europian qëndronte në të njëjtin stad sa i takon procesit të zgjerimit.
Edi Rama: Bullgaria po stabilizon një vend tjetër të NATO-s. Për të ç’fryrë sadopak mllefin edhe me ne. Ne nuk do të presim Godonë. Unë e kam thënë më parë. Më vinte kaq keq për ca njerëz optimistë dje që po shkruanin në twitter. Nuk erdha këtu me idenë se do të ndodhte dicka e mirë.
Vladimiri dhe Estragoni (Shqipëria dhe Maqedonia e Veriut) janë së bashku dhe Vladimiri u thotë a do lëvizim. Por është BE që thotë jo nuk do lëvizni.
Nisma e Ballkanit të Hapur është nisma që kemi ndërmarrë për ta bërë Procesin e Berlinit konkret. Janë të ndarë edhe në raport me Ballkanin se cfarë po bëjmë në në hapësirën tonë. Këtu fjalët dhe fotot janë shumë të bukura. Do ishte shumë bukur nëse këto fjalët do të realizoheshin. Megjithatë një ditë edhe Ballkani do jetë pjesë e BE.
