Unaza e rekordeve me 12 638 diamante, çmimi ende një mister

Kjo unazë në formë luleje përmban 12 638 diamantë të vegjël. Është fjala për një shifër rekord diamantësh ndaj dhe ka hyrë në librin e rekordeve Guinnes. Ajo është punuar nga një tregtar indian bizhuterish që është vetëm 25 vjeç.

Quhet “unaza e mbarësisë” dhe ka një peshë prej 165 gramësh. Baza e unazës është argjendi. Çmimi ende nuk është përcaktuar pasi krijuesi i saj thotë se nuk do ta shesë kurrë pasi e konsideron si ëndrrën e realizuar, krenari të argjendarisë së tij.

Deri më tani, rekordin e mbante një unazë me 7 801 diamantë e krijuar po nga argjendarët indianë.