Shkarkoni aplikacionin e Fax Web

 


BotaFlashTe FunditTe Gjitha

Pas Greqisë, Turqia i hap “luftë” një tjetër shteti: Mos luaj me zjarrin se.. (vritet dhe një ushtar)

Ministria e Mbrojtjes Kombëtare e Turqisë paralamëroi Armeninë që “të mos luajë me zjarrin” pas vrasjes së një ushtari të Azerbajxhanit, në kufirin mes dy vendeve, që janë në konflikt të gjatë.

“Armenia, e cila në mënyrë të jashtëligjshme e pushtoi Karabakun e Sipërm, shkeli armëpushimin në rajonin Tovuz dhe vrau një ushtar heroik të Azerbajxhanit”, shkroi kjo ministri në Twitter.

Në këtë deklaratë gjithashtu pati lutje që “Zoti ta mëshirojë ushtarin e vrarë dhe Turqia i shprehi ngushëllime shtetit vëllazëror të Azerbajxhanit, duke ofruar përkrahje për këtë vend”.

Azerbajxhani dhe Armenia janë në konflikt nga viti 1991 për shkak të territoreve të kontestuara kufitare.

Organizata për Siguri dhe Bashkëpunim në Evropë (OSBE) ka formuar të ashtuquajturin Grupin e Minskut, të përbërë nga Franca, Rusia dhe Shtetet e Bashkuara, me qëllim të zgjidhjes së këtij konflikti, por një gjë e tillë ende nuk është arritur.

Më shumë se dhjetë ushtarë të Azerbajxhanit u vranë gjatë përleshjeve të armatosura mes ushtrive të dy vendeve në korrik të këtij viti.

Në qendër të konfliktit është rajoni Nagorno-Karabak, i cili nga komuniteti ndërkombëtar njihet si pjesë e territorit të Azerbajxhanit, por që kontrollohet nga armenët.

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *