Nuk ndodh shpesh që një zëvendësministër të mos pranojë ftesën për të qenë pjesë e një debati televiziv, dhe akoma më keq që të konfirmojë pjesëmarrjen dhe të mos shkojë.
Ky ishte rasti i Besfor Lamallari, zv.Ministri i Brendshëm i cili përmes një mesazhi ka sqaruar se arsyeja e mungesës së tij në studion e “Opinion” ka qenë një darkë. Por çuditërisht këtë mesazh ai ka vendosur ta dërgojë vetëm 30 minuta pasi emisioni kishte nisur dhe pasi gazetari Blendi Fevziu e kishte njoftuar publikisht mungesën e tij në studion.
Në një kohë kur kishte konfirmuar pjesëmarrjen në emision, Lamallari ka vendosur befas të mos paraqitet, pa njoftuar më përpara stafin e emisionit për këtë ndryshim në vendimin e tij.
Për më tepër, gjatë emisionit ai ka vendosur të dërgojë arsyen e mungesën në panel, duke shkruar se ishte në një darkë.
Duket se ky fakt e nervozuar drejtuesin e emisionit që gjithë këtë e ka cilësuar një karagjozllëk dhe duke theksuar se ky është rasti i parë në 20 vite emision, që ndodh një episod i tillë.
(E.K/FAXWEB)
