Anëtari i kryesisë së PD-së, Gent Strazimiri, është shprehur në Fax News se PD kishte bërë gjënë e duhur duke kërkuar mbështetje nga secili kah opozitar për të luftuar regjimin e ngritur në vend.
I pyetur mbi mënyrën e funksionimit të bashkëpunimit mes Berishës dhe Metës sapo ky i fundit të rikthehet në politikën opozitare, Strazimiri tha se nuk bëhej fjalë për një front partish politike por një front opozitar ku secili do të ketë rolin e tij.
Pyetje: Si do funksionojë bashkëpunimi mes Berishës dhe Metës, a mund të sjellë ndonjë ndryshim?
Strazimiri: Unë besoj se PD ka bërë gjënë e duhur duke i bërë thirrje çdo elementi opozitar apo të shoqërisë civile që të bëhet krah saj për të luftuar këtë regjim. Secili prej tyre do përgjigjet në mënyrën e vetë. Këtu nuk bëhet fjalë për një front partish politike, por front të madh opozitar ku të gjithë do të kenë rolin e tyre.
