Shkarkoni aplikacionin e Fax Web

 


AktualitetFlashKryesoreTe FunditTe Gjitha

VIDEO/ Bilanci i koronavirusit në 54 ditë, 9.2% e 8498 rasteve te testuara kane rezultuar pozitive

Shqipëria ka shënuar ditën e 54-të që nga rasti i parë i konfirmuar me COVID-19. Në këtë mënyrë sapo kemi hyrë në një muaj të ri, ndërsa në këto 54 ditë janë regjistruar një numër i konsiderueshëm i masave, për të bërë të mundur që kurba e infesksioneve dhe e vdekshmërisë të jetë sa më e ulët. Duke iu referuar shifrave zyrtare të publikuara nga ana e Ministrisë së Shëndetësisë, deri në këtë 1 maj janë bërë 8498 testime në total.

Nga këto testime, deri më tani janë konfirmuar me virusin e rrezikshëm 782 raste. E thënë ndryshe, 9.2% të testimeve kanë rezultuar pozitive, ndësa pjesa tjetër, e përbërë nga 90.8% kanë rezultuar negative. Ndërkohë, përsa i përket të dhënave të të shëruarve, rasteve që vijojnë të jenë aktive dhe vdekshëmrisë, deri në ditën e 54-të shifrat flasin për 488 të shëruar, 263 raste që vijojnë të jenë aktive dhe 31 raste fatale me humbje jete.

Pjesa më e madhe e humbjeve të jetës kanë ardhur për shkak të sëmundjeve të tjera bashkëshoqëruese, por nuk kanë mumnguar edhe vdekjet të shkaktuara vetëm nga COVID-19 për individë që kanë rezultuar të shëndetshëm për sëmundje të tjera.

Duke iu referuar tabelës së rasteve të reja, mund të shohim që kurba në vendin tonë ka shfaqur luhatje dhe paqëndrushëmi në data të ndryshme, ndërsa 26 marsi solli për herë të parë numër të lartë infeksionesh, në total 28. Më tej, përgjatë muajit prill kurba vijoi me ulje dhe ngritje, për të arritur kulmin në datën 25, me 34 raste të reja, rekordi i pathyer akoma.

Në ditën e mëvonshme kurba ra për të sjell raste më të moderuara, me numra të infektuarish pak më të ulët. Referuar tabelës së rasteve aktive, lajmet e mira erdhën në datën 6 prill, kur kurba filloi të binte, por për të vijuar rritjen pak ditë më vonë. Megjithatë, prej katër ditësh duket se trendi ëhstë rikthyer edhe njëherë tjetër në kahun pozitiv.

Lakorja e rasteve fatale të humbjeve të jetëve njerëzore ka një trend pozitiv që nga data 7 prill, duke sjell vetëm 9 vdekje për pjesën tjetër të prillit, në krahasim me 22 të tjera nga 9 marsi deri në 6 prill. Padyshim lajme të mira kanë ardhur përsa i përket të shëruarve, ndërsa rasti i parë u shënua në datën 18 mars me një të shëruar, për të vijuar çdo ditë me raste të reja që kanë kaluar betejën me COVID-19.

Deri në ditën e 54-të që nga konfirmimi i rastit të parë, 488 persona kanë arritur të kalojnë COVID-19, ndërsa tashmë të krahasuar me kurbën e rasteve të reja, mund të themi që kemi gati dyfish më shumë të shëruar se sa raste të reja.(SOKOL DEMA/ FAXNEWS)

Fjalët Kyce

Për kë do të votoni në zgjedhjet e 25 prillit?

View Results

Loading ... Loading ...
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.