Shkarkoni aplikacionin e Fax Web

 


AktualitetFlashPolitikëTe FunditTe Gjitha

Prindër! Kujdes fëmijët çfarë shikojnë në rrjetet sociale, në profilin e kryeministrit mund të pësojnë drama (Video+Foto)

Ditën e sotme janë zhvilluar homazhe në familjet e viktimave të mbetura nga tërmeti tragjik i 26 Nëntorit që shkaktoi dhjetra jetë të humbura dhe qindra të plagosur.

Ndërkohë në këto ceremoni kanë marrë pjesë edhe përfaqësues të politikës ndërsa kryeministri Edi Rama i ka trajtuar live të gjitha vizitat që ka bërë në familjet e viktimave por edhe gjatë varrimit të të ndjerëve.

Në homazhe pranë familjeve ka marrë pjesë edhe ish-kryeministri Sali Berisha por që ka preferuar të mos publikojë në rrjetet sociale apo në media asnjë pamje të vizitave të tij.

Ndërkohë ajo çfarë duket me të vërtetë shqetësuese ka të bëjë me faktin se në profilin e Facebook të kryeministrit Rama, shihen pamje me të vërtetë të rënda, ku përfshihen familjarët e viktimave që vajtojnë të afërmit e tyre e deri tek momentet e dërgimit të trupave të pajetë në banesën e fundit, madje edhe momentet kur njerëzit e pranishëm hedhin nga një grusht dhe.

Ndërsa kjo faqe virtual ndiqet nga mbi një million njerëz, domosdo që mes këtyre ka edhe fëmijë e të mitur ndërsa u mbërrijnë njoftimet e postimeve të tilla të kryeministrit të vendit.

Është shumë e rëndësishme që prindërit e tyre të tregohen të kujdesshëm me fëmijët e tyre rreth asaj çfarë ata ndjekin në rrjetet sociale, pasi mund të marrin informacione dhe pamje të rënda dhe me pasoja edhe nga një zyrtar aq i lartë i Shtetit Shqiptar, ç’ka mund të kenë pasoja psikologjike por jo vetëm.

Kujtojmë se pas tragjedisë së 26 Nëntorit, Rama paralajmëroi, madje i kërcënoi mediat se do ti mbyllte deri në një moment të dytë nëse ato publikojnë pamje nga mënyra se si po menaxhohet situata pas-tërmetit, me argumentin se po përhapin panik.

(F.GJ/FAXWEB.AL)

Fjalët Kyce

Mendoni se duhet të hapen listat e partive dhe të ndalohen koalicionet parazgjedhore?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *