Shkarkoni aplikacionin e Fax Web

 


AktualitetFlashTe FunditTe Gjitha

VIDEO/ Me máska dhe të armátosur deri “në dhëmbë”, furgonët e pòlicisë dhe oficerët rrèthojnë “Ora News”

Në ambientet e televizionit “Ora News” kanë zbarkuar forca të shumta policie të cilat të veshura gjer në dhëmbë me armë, duket se kanë marrë nën kontroll situatën pas njoftimit të SPAK për sekuestrimin e pasurive të  biznesmenit Ylli Ndroqi.

Në pjesën e jashtme të ambienteve të televizionit në fjalë janë instaluar trupa të shumta policore dhe mjete të tyre që kanë rrethuar gjithë zonën ndërkohë mësohet se oficerët e policisë Gjyqësore kanë mbërritur në ambientet të televizionit. Kjo për të vënë në zbatim urdhrin e dalë nga GJKKO.

Pavarësisht se në njoftimin e SPAK thuhej se bizneset ku është pronar apo bashkëpronar Ndroqi do vijojnë të aktivitetin e tyre të administruara nga Agjencia për Administrimin e Pasurive të Sekuestruara dhe të Konfiskuara, imazhe të tilla nuk ishin parë më herët në vendin tonë ndaj një mediaje.

Nga ana e drejtuesi të televizionit “Ora News” ka pasur deklarata që e gjitha po ndodh për çështje politike, ndërsa kanë hedhur poshtë akuzat.

“Zoti Ndroqi ka qenë duke udhëtuar më mjetin e tij mercedes S600, ai nuk është shoqëruar, dhe ka shkuar në polici, pasi i thanë se makina e tij do sekuestrohet, ka kërkuar vetë të shkojë në polici për të shoqëruar mjetin. Brenda 5 ditësh ne do apelojmë. Do vërtetohet se pasuria e tij është e ligjshme, Zoti Ndroqi mendon se është një sulm politik “, thanë avokatët e Ndroqit.

SPAK argumenton se nga analiza e fakteve dhe e dokumentacionit të administruar për sa i përket pasurive të shtetasit Ylli Ndroqi dhe familjarëve të tij, rezulton se kanë një nivel të pajustifikuar ekonomik dhe dyshohet se këto pasuri të paluajtshme apo të luajtshme, t’i kenë fituar si rezultat i veprimtarisë së tij kriminale që ai ka zhvilluar në Shqipëri, Turqi dhe Itali.

(F.GJ/FAXWEB.AL)

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *