Shkarkoni aplikacionin e Fax Web

 


AktualitetFlashSportTe FunditTe Gjitha

Miliona euro në vit, por ish-futbollisti i Real Madrid falimenton

Royston Drenthe, ish-futbollist i Real Madrid, është në vështirësi të mëdha financiare. Edhe pse Gjykata e Bredës në Holandë e shpalli të falimentuar, ai vetë nuk është i shqetësuar, duke u shprehur për “Voetbalzone” se gjithçka ka ndodhur për një neglizhencë të avokatit të tij.

“Nuk trembem lehtë nga këto gjëra. Nuk i di detajet dhe nuk e di saktësisht se çfarë ka ndodhur, por mendoj se nuk është ndonjë gjë e madhe”, theksoi Drenthe.

Nga sot, holandezi do të ketë një menaxher, të cilit duhet t’i marrë leje për çdo vendim mbi shpenzimet e tij. Në vitin 2017, Drente tha se kishte humbur shumë nga pasuria e tij për faj të agjentit, duke shtuar se e gënjyen për pagën e tij kur luante me Realin.

“Dija vetëm që do të fitojë 1,8 milionë euro në sezonin tim të parë, kaq. U tregua shumë i zgjuar dhe mori nën kontroll gjithçka”, pati thënë Drenthe për agjentin e tij. Por, vetë Sigi Lens theksoi se “karriera e një futbollisti shkatërrohet jashtë fushës”.

Edhe shtypi holandez ka folur shumë mbi stilin e shtrenjtë të jetës së Drenthe, i cili shpenzoi shumë me mansione dhe projekte të dështuara si dyqane mode apo karrierë në muzikë dhe kinematografi.

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *