Kryetari i Partisë së Lirisë, ish-presidenti Ilir Meta ka dalë sërish sot në një konferencë për shtyp me gazetarët ku ka prekur çështje të ndryshme që shqetësojnë sipas tij sot qytetarët shqiptarë. I pyetur në lidhje me çmimet e karburanteve në vend, të cilat në të gjithë botën kanë rënë ndjeshëm, por jo në Shqipëri, Meta deklaroi se përfituesi numër një nga çmimet e larta është vetë Edi Rama. Sipas tij ky i fundit mendon se duke varfëruar shqiptarët do t’i nënshtrojë por ka akumuluar një urrejtje të madhe e cila po derdhet rrugëve të Tiranës dhe mbarë vendit.
Ndërkohë Meta i ka bërë dhe një ‘premtim’ Edi Ramës duke u shprehur se do përfundojë nën këmbët e popullit të Shqipërisë:
“Do përfundojë me policin te dera dhe mjekun te koka të dhoma nr.4 spitali 5. Ai mendon se duke e futur popullin në një laborator ku u kontrollon mendimet, xhepat, lëvizjet, do të përfitojë por ai do të përfundojë në këmbët e popullit të lirisë. Kjo nuk është retorikë, është premtim., u shpreh Meta