Ministri i Shtetit për Diasporën Pandeli Majko, ka folur në seancën parlamentare që po mbahet në parlament për shkarkimin e presidentit Ilir Meta. Në fjalën e tij Majko tha se kjo votë që po jepte i dhimbte shumë duke qenë se Ilir Meta ka qenë edhe pjesë e partisë Socialiste vite më parë.
Më tej ai zbuloi se dëshirën për mos të votuar për shkarkimin e Metës ja kishte bërë të ditur edhe Taulant Ballës, por shtoi më tej se tanimë ishte bindur në lidhje me shkeljet që kishte bërë presidenti.
“Secili ka perceptimin e tij ne lidhje me këtë nismë. Presidenti Ilir Meta është një individ i burgosur në pozicionin e tij.
Kryetari grupit parlamentar e di se unë nuk kam dashur t’a votoj këtë vendim. Por tashmë kam parë se Meta është bërë promotor i veprimeve shkelëse të kushtetutës. Shkurt e qartë mendoj se këshilla se më mirë të të urrejnë për atë që je sesa të të duan për atë që nuk je është rasi i sotëm. Mora fjalën për të thënë se unë do të votoj pro shkarkimit të Ilir Metës.
Ilir Meta ka qenë pjesë e jona dhe është votuar nga kjo masë, kjo është një votë që më dhemb shumë. Kur është miratuar kushtetuta e kanë pasur shumë të qartë vendimin për shkarkimin e presidentit. Ne do prodhojmë një akt që do kalojë në filtrin e Gjykatës Kushtetuese. Për tjerat do na gjykojë koha dhe ajo që do vijë”-tha Majko.