Shkarkoni aplikacionin e Fax Web

 


AktualitetFlashTe FunditTe Gjitha

Pas QSUT infektohet dhe një tjetër qendër shëndetësore në Tiranë, del pozitiv mjeku

Shtohen rastet me Covid 19 dhe në radhët e bluzave të bardha në Tiranë. Burime bëjnë me dije për Faxweb.al se një mjek i qendrës shëndetësore numër 9 në Tiranë ka rezultuar pozitiv me Covid 19, ndërkohë që i janë bërë testime të gjithë stafit të kësaj qendre.

Po ashtu burimet bëjnë me dije se në këto momente është bërë dizinfektimi i të gjithë qendrës shëndetësore, ndërsa alarmi i krijuar ka qenë i madh.

Ndërkohë që kujtojmë se Mati është futur sërish në zonat e prekura nga Covid-19. Aktualisht janë shfaqur 6 raste të reja në Njësinë Administrative Rukaj në Bashkinë e Matit. Burime pranë NjKVSH Mat thanë këta persona janë kontakt i të moshuarës që ndodhej në spital në Tiranë e cila rezultoi pozitive 2 ditë më parë.

Nisur nga kjo, janë marrë ditën e djeshme 10 tampon për analiza nga të cilat 6 kanë rezoltuar pozitive. Të gjitha rastet janë pa shenja klinike dhe kanë marrë udhëzimet e nevojshme nga personeli shëndetësor.

Po ashtu, vazhdon hetimi epidemiologjik duke gjurmuar kontaktet e dy familjeve që janë infektuar me Covid-19. Ndërkohë që kujtojmë se veç Tiranës, raste të reja raportohen dhe në Sarandë e Lushnje, duke e skuqur sërish hartën e vendit.(E.K/Faxweb.al)

Partitë politike firmosën Marrëveshjen për Reformën Zgjedhore. A mendoni se Presidenti Meta duhet të dekretojë një datë zgjedhjesh në tetor të këtij viti?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *