Ngjarja e sotme në Gramsh ku 80 vjeçari Xhevit Sinani qëlloi me sëpatë për vdekje gruan e tij Zeqine Sinani dhe pas saj vëllain e tij Shaqir Sinani ka tronditur jo vetëm familjarët por edh fqinjët e tyre. Para kamerave fqinjët shprehen se i njihnin për njerëz të mirë dhe nuk kishin parë të kishin probleme me njëri tjetrin si në familje ashtu dhe mes vëllezërish.
“Ne i njohim si njerëz të mirë, se çfarë kanë pasur me njëri-tjetrin nuk e dimë, ne nuk kemi parë ndonjëherë probleme. Me të dëgjuar nga të tjerët kohët e fundit sikur nuk ishte mirë nga mendja, thonë se ka pasur probleme mendore. Ka qenë tip i zgjuar më para nuk na e merrte mendja. Xheviti ka qenë kryetar këshilli në atë kohë, ka qenë llogaritar në kohën e kooperativës. Vëllai i tij jetonte këtu afër“, shprehen fqinjët.
Shkak dyshohet të kenë qënë problemet mendore të autorit ato që kanë shkaktuar tragjedinë. Policia po heton dhe po merr në pyetje autorin për të zbardhur rrethanat e ngjarjes.
