Shkarkoni aplikacionin e Fax Web

 


AktualitetFlashKosovaPolitikëTe FunditTe Gjitha

Konjufca bën deklaratën e papritur: Nuk e përjashtoj mundësinë e koalicioni me PDK-në

Ministri i Punëve të Jashtme dhe Diasporës, Glauk Konjufca, ka thënë se Lidhja Demokratike e Kosovës nuk duhet të përjashtohet si opsion nga Lëvizja Vetëvendosje, por se vija të kuqe nuk duhet të vendosen as për partitë tjera politike.

“Politika është e gjatë, është maratonike dhe unë mendoj se natyrisht që nuk duhet ta përjashtojmë bashkëpunimin me LDK-në, kjo shije e keqe që e ka lënë keq kalkulimi i LDK-së duke e keqpërdorur qëndrimin e zotit Grenell nuk i bën nderë LDK-së, prej kësaj LDK-ja le ta harrojë se mund të përfitojë tek populli i Kosovës”, ka thënë Konjufca në Rubikon.

Ai ka vlerësuar se Vetëvendosje duhet të marrë në bashkëqeverisje atë parti që i dërgon ministrat e pakorruptuar.

“Gjatë këtij muaji në LVV do të shtohen zërat që thonë që LVV duhet të dalë me konceptin që me dalë e para në zgjedhje, dhe pastaj si e formon qeverinë është të përqendrohet tek ministrat e ndershëm, tek negocimi i ministrave. Lëvizja Vetëvendosje duhet t’i negociojë ministrat kur të vijë momenti aty, unë po e shfaqi mendimin personal, mendoj që duhet të ketë një përparësi të lehtë LDK-ja, por jo në mënyrë dogmatike si në të kaluarën”.

Konjufca nuk e ka përjashtuar mundësinë e një koalicioni me Partinë Demokratike të Kosovës, të cilën e ka sulmuar më së shumti ndër vite.

“Mendoj që Vetëvendosje duhet ta marrë atë subjekt politik në qeverisje e cila i dërgon ministrat më të pa korruptuar në Qeveri, për shembull  i ke tre ministra i dërgon emrat,  i shikon VV, nëse kanë afera, nuk pranohen”.

Partitë po negociojnë për të përmbyllur Reformën Zgjedhore. A mendoni se Presidenti Meta duhet të dekretojë një datë zgjedhjesh në tetor të këtij viti?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *