Marjana Cmeta, e cila u shpall dje fajtore për vrasjen e ish-vjehrrës së saj, Lirie Lami, duke u dënuar me 32 vite burg. Cmeta akuzohej se e helmoi vjehrrën e saj, por ngjarja fillimisht nuk u mësua dhe u maskua si vdekje natyrale.
Vetëm kur Cmeta u rrëfye tek hoxha për ngjarjen e rëndë, u mësua e vërteta, dhe dolën në skenë dhe bashkëpunëtorët e saj, një prej të cilëve ishte dhe vjehrri.
Përpara gjykatës, Cmeta kërkoi vetë mëshirë. Ajo tha se do që vajza e saj e vogël të rritet e lumtur, pranë saj, dhe kërkoi të falej si një nënë.
“Moralisht dhe shpirtërisht jam e shkatërruar. Jam e shokuar nga akuza për të cilën po gjykohem. Dua të them që jam nënë e një vajze 2-vjeçare, e cilia po rritet në çdo derë pa nënën e saj. Ju lutem vini dorën në zemër. Unë para vetes dhe Zotit jam e pafajshme.
Për konfrontimin me Lirie Lamin mbaj përgjegjësi të plotë, por jo për këtë akuzë. Ju lutem, mos e lini vajzën time që të rritet jetime. Ju lutem, bëni që vajza ime të rritet e lumtur dhe me nënë. Ju vetë jeni prindër dhe e dini ç’do të thotë të jesh nënë”.
Pavarësisht kësaj lutje, Cmeta u dënua me 32 vite burg.
(e.k/faxweb.al)
