Finalizimi i operacionit të koduar “Kiras” ka çuar në vënien në pranga të një 24-vjeçari në Shkodër pasi gjatë kontrollit të ushtruar në banesën e tij, janë gjetur dy armë zjarri, krëhëra me fishjekë, dylbi targa automjetesh, 3 telefona celular, aparat DVR, një thikë, një automjet e sende të tjeratë cilat janë sekuestruar në cilësinë e provës material.
Faxweb.al mëson se personi i arrestuar është Sadik Batuni banues në lagjen Guerile, Shkodër
Materialet iu referuan Prokurorisë së Rrethit Gjyqësor Shkodër për veprën penale “Armëmbajtja pa leje”.
Njoftimi i policisë:
Vijon puna për goditjen e personave që mbajnë armë pa leje.
Finalizohet operacioni policor i koduar “Kiras”
Operacioni nga Strukturat e Drejtorisë Vendore të Policisë në bashkëpunim me forcën e posaçme “Shqiponjat”.
Arrestohet në flagrancë një 24 vjeçar nga policia
Sekuestrohen dy armë zjarri, municion luftarak, dylbi disa palë targa e sende të tjera
Në zbatim të planit të masave për goditjen e personave që mbajnë armë pa leje, strukturat e DVP Shkodër në bashkëpunim me Komisariatin e Policisë Shkodër, bazuar dhe në informacionet e siguruara në rrugë operative, zhvilluan dhe finalizuan operacionin policor të koduar “Kiras”, në kuadër të të cilit u bë kapja dhe arrestimi në flagrancë i shtetasit S.B. 24 vjeç banues në lagjen Guerile, Shkodër.
Gjatë kontrollit të ushtruar në banesën e tij, shërbimet e policisë gjetën dhe sekuestruan në cilësinë e provës materiale dy armë zjarri pistoleta, një palë dylbi, dy krëhëra automatiku me 60 fishekë, dy krëhëra pistolete me 14 fishekë, targa automjetesh, 3 telefona celular, aparat DVR, një thikë, një automjet e sende të tjera.
Materialet iu referuan Prokurorisë së Rrethit Gjyqësor Shkodër për veprën penale “Armëmbajtja pa leje”.
(F.GJ/FAXWEB.AL)