Arrestohet në Itali djali i atasheut shqiptar në Turqi. Për këtë arsye, Ministria e Mbrojtjes mësohet se ka marrë masa ndaj atasheut në Ankara, Razije Mehmeti të cilës i është hequr pasaporta diplomatike si dhe është kërkuar kthimi në Shqipëri.
“Shtabi i Përgjithshëm i FA-ve është informuar nga autoritetet shqiptare në rrugë diplomatike, për një ngjarje të papëlqyeshme të një familjari të atasheut ushtarak të Shqipërisë në Ankara, kolonel Razije Mehmeti (në foton e mëposhtme).
“Në dijeninë tonë, me marrjen e këtij informacioni, autoritetet shqiptare i kanë hequr pasaportën diplomatike duke lejuar autoritet italiane që të ndjekin procedurën për zbatimin e ligjit.
Shtabi i Përgjithshëm i FA ka propozuar dhe ministri ka miratuar kthimin e menjëhershëm të kolonele Mehmetit në atdhe dhe nxjerrjen e saj në dispozicion”, thuhet në një deklaratë për median nga Ministria e Mbrojtjes.
Ende nuk dihen të sakta arsyet që çuan në arrestimin e djalit të ish-atasheut në Turqi. (A.R/SHUPLAKA)
