Shkarkoni aplikacionin e Fax Web

 


AktualitetFlashJetë dhe stilTe FunditTe Gjitha

Historia tronditëse e adoleshentit të ish-burgosur: Më rrihnin, më përbuznin, ju futa rrugës së keqe që të më kishin frikë

Leonardi është një djalë i ri, i cili edhe pse në moshën 16 vjeçari ka përjetuar shumë vuajtje në jetën etij.

Kur ishte vetëm 5 vjeç, prindërit e tij u divorcuan për t’u bashkuar 6 vite më vonë, kur leonardi ishte 11 vjeç.

I ftuar sot në rubrikën “Ka një mesazh për ty”, i riu rrëeu mes lotësh se si kishte marrë rrugën e keqe dhe kishte përfunduar në burg në moshë të re, vetëm 16 vjeç.

“Fëmijëria ime ka qenë e vështirë. Prindërit e mi u ndanë kur isha 5 vjeç dhe u bashkuan kur isha 11 vjeç. Kishim shumë probleme në familje. Në moshën 13-vjeçare fillova duhanin dhe pas 1 viti fillova të merrja drogë. Mami më fliste, qante kur vonohesha, shokët e klasës më përbuznin sepse vija nga një familje e varfër. Kishte raste ushtronin dhunë. Iu futa rrugës së keqe që ata të më kishin frikë. Drogën e siguroja nga shoqëria e keqe që kisha gjetur.

Prindërit nuk me jepnin para dhe u detyrova t’i futesha vjedhjes. Kishim bërë plan me një shok të vidhnim një celular në një dyqan. U futëm e morëm celularin dhe zotëria e dyqanit më ndoqi me vrap. Ai kishte lajmëruar policinë. Policët më kapën. Më çuan në burgun e Kavajës.Qëndrova aty 3 javë. Veten nuk e doja më.

Në ate moshe duhet te isha prane familjes dhe ne bankat e shkolles, jo ne qelite e burgut. Ishte si ferr. Në dhomën time ishte njëri që u mbante si më i forti. Ishte kapo. Unë refuzoja ta ndiqja nga pas. Ai më tha brenda javës do vdesësh. M’u prenë këmbët dhe duart, por nuk e dhashë veten. Ai mbante thikë dhe unë flija me frikë. Ditën e 4 dolëm në ajrim. Sektori kishin bërë plan të më rrihnin keq. Më rrahën barbarisht. Në atë moment i thashë vetes s’dua të shoh as armikun këtu. I thashë drejtorit të burgut të më largonin në sektor tjetër.

Aty plaste sherri ‘Pse më pe, pse të pash’. Roja bënte një sy qorr e një vesh shurdh. Dola nga burgu, paguajta 10-fishin e vlerës së telefonit që vodha dhe gjykata e Apelit me dha punë me shërbim publik, pastroja Amfiteatrin e Durrësit. Kur isha në burg mami më vinte me takonte. Më thoshte te ndryshoja dhe te behesha burre.

Mua me ndryshoi fakti qe familja ime nuk ka faj qe te mos i ze gjumi naten nga frika se une mos kisha vdekur. E kam thirrur mamin sot per t’i thënë që jam penduar dhe kam ndryshuar-“, tregoi Leonardi.

Sot adoleshenti kishte thirrur mamin e tij për t’i dhënë fjalën se tani e tutje do të kujdesej për familjen dhe do ta nderonte atë.

Mamaja e Leonardit e pranoi ftesën dhe sapo e pa Leon në ekran e quajti mistrec.

“Të kam thirrur që të të them se nuk do jem më mistrec, por do jem ai që do e nderoj familjen. Faleminderit që më ke qëndruar pranë. E di që je sëmurë me hernie diskale kështu që ti nuk ke për të punuar më. Ka ardhur koha të kujdesem unë për familjen,”-  përfundoi I riu.

Më pas e ëma u shpreh se shpreson që Leonardi ta mbajë fjalën pasi ka vuajtur shumë prej tij.

(F.M/Faxweb)

Fjalët Kyce

Për kë do të votoni në zgjedhjet e 25 Prillit ?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *