Shkarkoni aplikacionin e Fax Web

 


AktualitetFlashTe FunditTe Gjitha

‘Ka biznese dhe lidhje me Gjukanovic….’/ Plas mes Vuçiç dhe pro-serbit fitues të Malit të Zi

Serbia dhe Mali i Zi është pritur që do të ndërtojnë marrëdhënie të mira pas rezultatit të zgjedhjeve në Podgoricë.

Por, një intervistë për një televizion në Sarajevë e atij që shihet si kryeministri i ardhshëm i Malit të Zi, Zdravko Krivokapic, ka shqetësuar Serbinë.

Krivokapic ka akuzuar presidentin serb, Aleksandar Vuçiç, se ka biznese dhe është i afërt me presidentin, Milo Gjukanovic.

Presidenti Vuçiç, gjatë një ceremonie të kadetëve të ri policorë i ka çuar një porosi.

“Jam i sigurt që ai ose do të thotë se ka gënjyer ose do të sjellë dëshmi. E di që fakte nuk mund të sjellë pasi unë nuk jam biznesmen”, thotë ai.

Serbia ende nuk ka komentuar rezultatin e zgjedhjeve dhe nuk ka çuar urime. Beogradi dhe Podgorica kanë pasur marrëdhënie gati armiqësore politike, pavarësisht se quhen vëllezër. Vuçiç tha se shpreson për marrëdhënie të mira.

“Të bëjnë çtë duan, ne do të rrimë të qetë dhe të presim. Gjithmonë do ti presim vëllezërit tanë për bashkëpunim të mirë”, shtoi ai.

Deklaratat e Krivokapic kanë shqetësuar edhe një pjesë të shtypit serb, të cilët e kanë quajtur qeverisjen e re në Mal të Zi më të keqe se e vjetra.

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *