Shkarkoni aplikacionin e Fax Web

 


AktualitetFlashPolitikëTe FunditTe Gjitha

Gazment Bardhi bën deklaratën e fortë: Dyshojmë se një kryebashkiak është i dënuar për vrasje

Sekretari i Përgjithshëm i Partisë Demokratike, Gazmend Bardhi ka deklaruar se dyshohet që një kryebashkiak i zgjedhur më 30 qershor të 2019-ës është i përfshirë në një vrasje në një nga vendet e tjera e BE-së, për të cilin po presin dokumentacionin e nevojshëm për të provuar vërtetësinë.

Po ashtu, Bardhi shtoi gjatë një intervistë televizive se PD po verifikon 12 emra të rinj kryebashkiakësh të dyshuar të përfshirë në krime, përveç emrave të bërë publik deri më tani.

Ai ka deklaruar që sapo të kenë dokumentacion të sigurt, PD do të bëjë denoncimin në organet përkatëse.

“Nuk është sekret e kam thënë dhe më parë se kemi në proces verifikimi disa nga kandidatët e Edi Ramës në zgjedhjet e 30 qershorit dhe jemi duke pritur dokumentacionin provues, e riktheksoj se në këtë rast PD-ja po kryen detyrën e prokurorisë dhe pse nuk është detyra jonë ta bëjmë një gjë të tillë, ne po verifikojmë dokumentacionin për një kryebashkiak të paligjshëm, që ka qenë i dënuar, dhe ka gënjyer në formularin e Dekriminalizimin, kjo është detyre ligjore dhe e prokurorisë.

Kjo është detyre e Prokurorit të Përgjithshëm i cili deri më sot nuk e ka kryer një gjë të tillë. Tashmë në proces verifikimi kemi 12 emra kryebashkiakësh të kishim mekanizmat e prokurorisë do të bënim të mundur zbulimin më shpejt të emrave të kryebashkiakëve të përfshirë në krime.

Ne presim që me ndihmën e partnerëve ndërkombëtarë të verifikojmë indiciet për të dhënat që ne kemi për këto kryebashkiakë. Sapo të kemi një dokumentacion të tillë ne do të bëjmë denoncimin për shkeljen e ligjit të bërë nga një kryebashkiak. Të dhënat flasin për kryerjen e veprave të ndryshme penale, kemi dhe të dhëna që një person është i dënuar ne vendet evropiane për vrasje dhe për të tjerë të cilët janë të dënuar për vepra të ndryshme penale dhe të përfshirë në trafik të lëndeve narkotike.

Ju mund të shkoni dhe ta pyesni se çfarë po bën me katër rastet që i ka tashmë në prokurori. Një kryebashkiak ka të dhëna se është i dënuar për vrasje në një nga vendet e BE, këtë do ta bëjmë publike pasi të kemi të dhënat në dorë, dyshimet dhe të dhëna tona janë të qenësishme”, tha Bardhi.

Fjalët Kyce

Mendoni se duhet të hapen listat e partive dhe të ndalohen koalicionet parazgjedhore?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *