Shkarkoni aplikacionin e Fax Web

 


AktualitetFlashPolitikëTe FunditTe Gjitha

“Dyfishim pagash për mësuesit dhe taksë e sheshtë”, LSI nxjerr programin politik, Kryemadhi: Kemi rënë dakord me PD për…

Lëvizja Socialiste për Integrim prezantoi sot programin e saj politik për zgjedhjet e 25 prillit. Kjo parti politike tashmë është e para që prezanton programin e saj, duke mos pritur aleatin e saj Partinë Demokratike. Kjo tregon se LSI-ja tashmë do të konkurrojë më vete në zgjedhjet parlamentare.

Fjalën hapëse në prezantimin e programit politik, e ka mbajtur ish-deputeti, Edmond Haxhinasto. Ai u shpreh ky program synon qëndrueshmëri dhe jo një zgjidhje momentale. Po ashtu, Haxhinasto u ndal edhe në disa prej pikave kryesore të programit.

“Në planin tonë nuk ka dhe nuk do të ketë zgjidhje momentale, populiste apo klienteliste si mazhoranca, por zgjidhje që synojnë qëndrueshmëri, kështu janë dhe propozimet tona për tërheqjen e investimeve. Shumë nga propozimet tona janë vizionare, i shërbejnë ndreqjes së gabimeve, por krijojnë edhe perspektivë. Programi ynë synon të eliminojë qeverisjen e trukuar e buxheteve fasadë dhe të bëjë matësin e vetëm koston e jetesës.

Rritja e borxhit publik, s’do të jetë pjesë e këtij programi. Programi ynë parashikon uljen e kostos së qytetarëve, duke shtuar më tej zhvillimin e industrisë ushqimore, rritjen e prodhimit vendas. Synim është kthimi i besimit te mirëqeverisja. Kanë efekte të menjëhershme, jo premtime për kohën e ardhshme”, tha Haxhinasto

Pesë prioritetet e LSI, të shpalosura në planin e kësaj partie, janë taksa e sheshtë 9 për qind, për të cilën ata thonë se kanë arritur dakordësi me partnerët opozitarë.

Realizimi i reformës në arsim, taksë 1 për qind për arsimin dhe kompanitë e mëdha. Po ashtu, synim është masivizimi i programit Mëso dhe Fito si dhe bërja e investimeve në kërkim shkencor. Gjithashtu kjo parti premton një dyfishim të pagës së mësuesve.

Sa i përket bujqësisë, LSI thotë se synon që të mbështesë fermerët për njësitë e prodhimit si dhe të vendosë zero taksë dhe TVSH për të gjithë zinxhirin e prodhimit. Këto prioritete, LSI angazhohet t’i realizojë në 5 mujorin e parë të qeverisjes.

Kryetarja e LSI, Monika Kryemadhi ka detajuar programin politik për zgjedhjet e 25 prillit duke theksuar edhe prioritetet kryesore.

Kryemadhi ka deklaruar se përpos taksës së sheshtë 9% që ka rënë dakord me PD, vetë LSI do të angazhohet që çdo familje apo person me të ardhura nën 35 mijë lekë të reja në muaj mos paguajë asnjë taksë.

Sa i përket arsimit Kryemadhi tha se LSI do të realizojë një reformë tërësore, sektor që do të mbështetet me 5% të PBB-së, si dhe me programin Garancia Rinore do të mbështesë sipërmarrjen e lirë të profesionistëve të rinj në Fushën e teknologjisë dhe inovacionit

PJESË NGA FJALA E MONIKA KRYEMADHIT

Ne sot prezantojmë prioritetet e programit tonë, propozime të drejtpërdrejta ku nisur nga emergjenca për ndryshim brenda këtij programi Lëvizja Socialiste për Integrim ka hartuar politika specifike me efekt të shpejtë dhe të drejtpërdrejt për të krijuar mundësinë e punësimit të mirëpaguar dhe për të ulur koston e jetesës dhe sigurisht për të rritur standardin për jetën në familjet shqiptare.

Politikat tona prioritare janë reale dhe të detajuara, të cilat do të tregohen në programin tonë, i cili është tashmë i hartuar, është i qartë dhe do të jetë në shtëpinë e çdo shqiptari për ta lexuar dhe për ta ndjekur.

Gjithmonë ne kemi qenë prezent me programin tonë, me politikat tonë, të cilat kanë qenë të drejtpërdrejta dhe me efekt të drejtpërdrejt për ekonominë e familjeve shqiptare. Dhe ajo që është e vërtetë është se ne e mbajmë fjalën tonë dhe u gjendemi njerëzve pranë.

Punësimi dhe ekonomia janë prioritet për ne dhe të panegociueshme. Me punësimin e shqiptareve është abuzuar  dhe gënjyer shume, besoj të gjithë e mbajnë mend premtimin e pa mbajtur të 300 mije vendeve të punës.

Punësimi për ne është jetik për të kthyer besimin tek  rinia që ata të ndihen në Shqipëri si në shtëpinë e tyre.

Çlirimi i ekonomisë nga monopolet, ulja e taksave te larta qe po i marrin frymën ekonomisë dhe familjeve shqiptare, krijimin e zonave të lira ekonomike ku do të mbështesim drejt për së drejti krijimin e çdo vendi pune për të rinjtë dhe profesionistët do ta kthejnë Shqipërinë shtëpinë e investimeve.

Kemi rënë dakord për taksën e sheshtë 9%, por ne si Lëvizje Socialiste për Integrim angazhohemi për përjashtimin nga çdo taksë për çdo familje ose person me të ardhura nën 35 mijë lekë të reja në muaj.

Do të realizojmë një reformë tërësore në arsim. Do të mbështesim këtë sektor me 5% të Prodhimit të Brendshëm Bruto

Shpesh e kemi parë formalizimin e ekonomisë si një betejë titanësh për një kupon tatimor ku zbarkon repart policor për të kapur kuponin e një buke 500 lekëshe.  Ne formalizimin nuk e shikojmë thjesht si një betejë, si një luftë, ne e shikojmë si një bashkëpunim midis shtetit, biznesit dhe konsumatorit prandaj ne propozojmë që brenda 5 muajsh të miratojmë rimbursimin e 5% të çdo blerjeje me përjashtim të shpenzimeve që kryhen në entet publike.

Do të krijojmë mundësinë për të formalizuar konsumin dhe familjet të krijojmë një pagë shtesë në fund të çdo viti. Ky formalizim do të rrisë jo vetëm të ardhurat e familjeve  shqiptare por edhe të ardhurat me buxhetin e shtetit që do të futen në qarkullimin ekonomik dhe mundësi për te nxitur punësimin e te rinjve.

Kjo nisëm kërkon vetëm vullnet politik sepse infrastruktura dhe dëshira e qytetarëve dhe bizneseve ekziston, sepse sot më shumë se kurrë konsumatori dhe qytetari e kërkon shtetin partner në ekonomi, në jetën e tij shoqërore dhe sociale dhe nuk kërkon një xhelat mbi kokë.

Taksat e ulëta dhe formalizimi do të sjellin më shumë investime të huaja dhe vendase dhe me shumë punësim për familjet shqiptare.

Me programin Garancia Rinore do të mbështesim sipërmarrjen e lirë të profesionistëve të rinj në Fushën e teknologjisë dhe inovacionit, prandaj dua të ndalem tek të rinjtë tanë, të cilët përballen me sfida të mëdha si papunësia, kosto e jetesës shpopullimi dhe integrimi në BE.

Një sistem arsimor cilësor që prodhon profesionist dhe jo kartonë diplomash, është  zgjidhja për të garantuar për punën e mirëpaguar, për të krijuar besimin se ardhmja për rinjtë është këtu, që të qëndrojnë këtu, ta konsiderojnë Shqipërinë shtëpinë e tyre dhe për të përgatitur qytetarë për të ardhmen si qytetarë evropianë.

Prandaj, ne do të realizojmë një reformë tërësore në arsim, duke paguar në mënyrë dinjitoze mësuesit tanë që janë ata që edukojnë brezin e ri dhe duke e lidhur  shkollën, me biznesin, dhe me tregun e punës. Ne do  të mbështesim realisht arsimin me 5% të Prodhimit të Brendshëm Bruto.

Do të realizojmë një reformë tërësore në arsim. Do të mbështesim këtë sektor me 5% të Prodhimit të Brendshëm Bruto.

Shpesh e kemi parë formalizimin e ekonomisë si një betejë titanësh për një kupon tatimor ku zbarkon repart policor për të kapur kuponin e një buke 500 lekëshe. Ne formalizimin nuk e shikojmë thjesht si një betejë, si një luftë, ne e shikojmë si një bashkëpunim midis shtetit, biznesit dhe konsumatorit prandaj ne propozojmë që brenda 5 muajsh të miratojmë rimbursimin e 5% të çdo blerjeje me përjashtim të shpenzimeve që kryhen në entet publike.

Për kë do të votoni në zgjedhjet e 25 Prillit ?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *