Zbardhen detaje të reja nga ngjarja e ndodhur pak ditë më parë në një lokal në ish Bllok, ku një 40 vjeçar është masakruar me 27 goditje thike nga dy persona.
Bëhet me dije se dy autorët që policia i ka identifikuar dhe shpallur në kërkim, kanë hyrë në lokal dhe janë ulur në tavolinën e E.Drozit, i cili shoqërohej edhe nga një person tjetër.
Mësohet se personat në fjalë i kanë kërkuar shoqëruesit të 41-vjeçarit që të blinte një paketë cigare jashtë lokalit dhe pas atij momenti kanë nisur të sulmojnë me thikë E.Drozin, duke e lënë të plagosur.
Më pas, ata janë larguar prej aty, ndërkohë 41-vjeçari ka dalë nga lokali i gjakosur dhe ka kërkuar ndihmë.
Mësohet se kanë qenë kalimtarët e rastit ata që njoftuan ambulancën dhe policinë.
Ndërkohë, në spital, Drozi dëshmoi para një oficeri policie, ku tregoi ngjarjen si dhe identitetin e personave që e sulmuan me thikë.
Ndërkohë, policia sekuestroi pamjet filmike të kamerave të sigurisë të lokalit.
