Shkarkoni aplikacionin e Fax Web

 


AktualitetFlashKryesoreTe FunditTe Gjitha

Dëshmoi kundër Shullazit, dhunohet dhe grabitet babai i dëshmitarit Besnik Musai

Babai i dëshmitarit të prokurorisë, Besnik Musai, i cili dëshmoi në gjyq kundër Emiljano Shullazit është dhunuar.

Sipas informacioneve të para, Naim Musai, i cili punon si kambist, është dhunuar dhe grabitur një natë më parë. Atij i janë vjedhur 150 mijë lekë dhe 250 euro, ndërsa është lënë me dëmtime në fytyrë dhe trup.

Siç dhe bën me dije policia e Durrësit, dy personat pasi e kanë dhunuar janë larguar disa metra, por më pas janë kthyer duke i marrë çantën marsup që Musai kishte me vete.

Brenda në çantë Musai kishte 275 euro dhe 1.5 milion lekë të vjetra, para këto që ai i përdorte për këmbim valutor. Për këtë ngjarje policia dhe prokuroria e Durrësit, kanë nisur hetimet duke kërkuar pamjet filmike në zonë por dhe pyetur Musain, lidhur me karakteristikat e autorëve.

Ngjarja ka ndodhur në zonën e plazhit në Durrës tek “Rrota e Kuqe”. Besnik Musai dëshmoi në gjyq kundër Shullazit për konfliktet me Ylvi Beqajn. Ai ka qenë shofer i këtij të fundit, ndërsa ka qenë edhe prezent kur u bë kontrata e dhurimit të hotel “Vollgës”. Besnik Musai deklaroi në gjyq se Shullazi i ka vënë pistoletën në kokë Beqjas.

Në fillim të procesit gjyqësor kundër Emiljano Shullazit dhe katër të pandehurve të tjerë si Blerim Shullazi, Endrit Qyqja, Endrit Zela dhe Gilmando Dani, familja Musai u vu në mbrojtje nga Policia e Shtetit, për shkak se Besnik Musai, shofer dhe kunat i biznesmenit Ylvi Beqja, doli dhe dëshmoi në gjyqin kundër këtyre personave.

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

Mund të Lexoni

Close