Deputetët e PD-së në qarkun e Shkodrës pritet të jenë të gjithë të pranishëm në protestën e datës 7 Korrik, që është thirrur nga ish-kryeministri Sali Berisha.
Të gjithë së bashku, ata janë shpërndarë në bazë dhe po mobilizojnë forcat për të pasur një pjesëmarrje sa më masive të shkodranëve dhe jo vetëm në protestë.
Greta Bardeli: Qytetarët ti bashkohen protestës më të madhe opozitare me 7 korrik. Ne jemi deputetë të PD. Jemi rreshtuar në krah të popullit shqiptar opozitar, në mbrojtje të drejtave të tyre. Shikoni varfërinë, emigracionin, korrupsionin që po u bëhet familjeve shqiptare. Unë do të mbështes çdo protestë qytetare që do jetë në anën e duhur të historisë. Partia Demokratike është vetëm 1.
Zef Hila: Do jem me gjithë protestuesit në datën 7 korrik. Nuk ka asnjë përçarje.
Emilia Koliqi: I bëj thirrje të gjithëve të vijnë në protestë. Kjo protestë duhet të shkundë këtë qeveri, e cila është e korruptuar deri në palcë. PD është vetëm 1, ajo që përfaqëson popullin shqiptar.
