Sot në emisionin “Me Xhaxhiun” ka qenë i ftuar eksperti i sigurisë Faik Basha për të folur rreth burgjeve në vend dhe kushteve dhe problemeve që ato kanë.
Ai tha se në burgje nuk funksionojnë shumë hallka duke nisur që nga shërbimi shëndetësor, ai social e deri te mungesa e personalit.
Basha shtoi se në burgje mungojnë kurset për të dënuarit, sic ndodh në shumë vende të botës.
“Në sistemin e burgjeve duhet të funksionojnë disa hallka, që burgjet shëiptare e vuajnë shumë. Shërbimi shëndetësor. Në shumë burgje mungon. Shërbimi social që është shumë i rëndësishëm por është shumë i vakët.
Kushtet e burgjeve , janë disa të tjera që janë skandal. Burgjet kanë vite që janë në këtë gjendje. Ne sot nuk bëjmë dot një kurs për të dënuarit. Të ndjekin një gjuhë të huaj, profesion, nuk bëhen dhe është për të ardhur keq.
Burgu i Fierit dhe Shkodrës, në pjesën e kushteve janë mirë por vuajnë nga personeli. Në Reç ka një mungesë të personelit të policisë gati 35%.
Kemi mungesën e mjekut specialist, infermierëve dhe medikamenteve. Ka korrupsion në burgje, edhe KLSH e konstatuar”-tha ai.
