Kryetari i Partisë Demokratike, Lulzim Basha, zhvilloi së fundmi një takim me shoqatat e biznesit, premtoi 150 milionë euro investime në bujqësi. Ai u shpreh se një pjesë e kësaj shume do të përdoret për subvencionim të drejtpërdrejtë dhe tjetra për investim në sektorin e investimeve.
“Ne planifikojmë një buxhet prej 1,5% të Prodhimit të brendshëm bruto për bujqësinë shqiptare duke nisur nga vititi i parë një shumë totale prej 150 milion dollarësh, nga të cilat dy të tretat, pra 100 million euro do të përdoren për subvecionimin e drejtëpërdrejtë të prodhimit blegtoral, të peshkimit të blegtarisë dhe një e treta do të përdoret për investime në infrastrukturën ndihmëse të bujqësisë, që nga infrastruktura bazike.”, tha Basha.
Ai theksoi se Shqipëria duhet të marrë përsipër përgjegjësitë për kostot e prodhimit. Ai theksoi se me reformat që do të ndërmerren do i jepet fund lojës kukafshehthi që bëhet gjoja në emër të tregtisë së lirë.
“Duhet të ndalojmë lojën kukafshehthi se gjoja në emër të tregtisë së lirë, të lejojmë që produktet e subvencionuara të tregut evropian, të shtypim kokën dhe djersën e fermerit shqiptar. Me qeverinë e Partisë Demokratike kjo do të marrë fund derisa fermeri shqiptar të jetë në gjendje që përmes djersës së tij të siguroj bukën e gojës dhe dinjitetin por edhe rritjen ekonomike.”, u shpreh kryetari i Partisë Demokratike.
Duke u ndalur tek raporti sipërmarrësi-politika, Basha u shpreh se e vetmja shpresë për ndryshim do të vijë përmes luftës demokratike me mjete paqësore.
“Mazhoranca do të kontrollojë Vettingun, por vetëm 22 korriku përcakton rrugën e zbatimit. Vettingu do të kalojë sipas 22 korrikut. Klientë të qeverisë që sjellin produkte për të mbushur xhepat e tyre nuk do ketë.”, tha ndër të tjera Basha. (XH.A/SHUPLAKA)
