Një 30-vjeçar mësohet se ka sulmuar me thikë një burrë të martën rreth orës 16:20 në një apartament në Vjenë-Meidling.
Policia u alarmua të martën për britmat për ndihmë nga një apartament në Vjenë-Meidling. Një burrë 30 vjeç, shtetas shqiptar, me gjurmë gjaku në trup, por pa lëndime të dukshme u pa në shkallë, shkruan vienna.at.
Një burrë i dytë, gjithashtu 30-vjeçar është gjetur me një plagë me thikë në shpinë para shtëpisë. I plagosuri ka marrë ndihmë urgjente mjekësore nga shërbimi profesional i shpëtimit të Vjenës dhe është dërguar në spital. Nuk ka asnjë rrezik për jetën.
Në banesë u gjet arma e dyshuar e vrasjes, një thikë. Sipas gjendjes aktuale të hetimeve, 30-vjeçari shqiptar dyshohet se ka sulmuar 30-vjeçarin tjetër.
Ai u arrestua përkohësisht dhe u dërgua në burg me urdhër të prokurorisë publike të Vjenës. Zyra e Policisë Kriminale të Vjenës, dega jugore, mori përsipër hetimin. I plagosuri do të merret në pyetje gjatë ditës së sotme.
