Aktivistja dhe poetja e njohur, Elsa Ballauri e ftuar në emisionin ‘Fol me mua’ me moderatoren Rovena Dilo, ka komentuar rolin e femrës shqiptare në shoqëri.
“Unë mendoj që është gruaja është më shumë ajo e cila duron që tradita të vazhdojë që nuk ka forcë të kundërshtojë dhe që shpesh herë nuk e ka rregulluar marrëdhënien me veten e saj.
Ashtu si mendoj unë, gratë do të ishin në një stad tjetër të formimit dhe të pjekurisë së tyre mendoj që sidomos në shoqërinë shqiptare burrat do të ia kishin arritur diçkaje në lidhje me raportin burrë grua. Burri shqiptarë gjithmonë e kam menduar deri diku është në dorën e gruas.
Ne jemi një shoqëri kryesisht tradicionale dhe në pjesën më të madhe të Shqipërisë kjo gjë ka mbetur. Burri është ai i cili i lutet gruas ose i falet gruas për çdo gjë sepse burri shqiptar është burrë dembel të themi atë që është përgjithësisht. Unë mendoj që gruaja është mbretëreshë në shtëpinë e saj, por nuk e di që është mbretëreshë.
Edhe nga ana tjetër ç’po bëjnë këto gratë që e dinë. Jo te gjitha janë te aktivizuara të thonë po unë jam për veten time nuk kam ndërmend të ndryshoj mendjen e tjerëve, sigurisht jo të gjitha, por ato që jam të organizuara dhe që mendojnë që ky stereotip duhet të ndryshojë them se duhet të jenë shumë më aktive për të arritur.”, u shpreh Ballauri.