Zvicerianët në referendum, votohet për rritjen e moshës së pensionit për gratë

Zviceranët po votojnë sot për një reformë pensionesh që qeveria thotë se është thelbësore për ta shpëtuar sistemin dhe përfshin një propozim për ta rritur moshën e pensionimit për gratë.

Pas dy tentativave të dështuara në 2004 dhe 2017, Berna zyrtare shpreson që më në fund të marrë vota të mjaftueshme për një propozim për ta “stabilizuar” sistemin zviceran të pensioneve, i cili kërcënohet të mbingarkohet nga brezi i madh i grave që po i afrohen pensionimit. Një nga mjetet për të mbledhur më shumë para për sistemin e pensioneve është rritja e taksës së shitjes, e cila duhet të sjellë të ardhura prej 12.4 miliardë franga zvicerane deri në vitin 2032.