Shkarkoni aplikacionin e Fax Web

 


AktualitetBotaFlashTe FunditTe Gjitha

Zbulohet një spiun në zyrën e Merkel, ja për llogari të kujt punonte

Një person që spiunon për shërbimin e inteligjencës egjiptiane për vite me radhë është zbuluar në zyrën e kancelares gjermane Angela Merkel. Fjala është për Steffen Seibert, bashkëpunëtor i zëdhënësit të qeverisë gjermane, i ekspozuar si një agjent egjiptian.

Pjesë e stafit të Shërbimit të Shtypit dhe Informacionit të qeverisë gjermane, ai dyshohet se ka punuar për shërbimin e inteligjencës egjiptiane për disa vjet. Shërbimi penal federal mori “masa ekzekutive” ndaj këtij personi në dhjetor të vitit të kaluar, me urdhër të zyrës së prokurorit federal, thuhet në raportin e sigurisë, i cili u paraqit në Berlin.

Informacion mbi opozitën egjiptiane

Një hetim kundër këtij personi është ende në vazhdim. Prokuroria konfirmoi për Bild se ishte nisur një hetim nën dyshimin e veprimtarisë së inteligjencës. Sipas Bild, ai është një shërbyes civil i nivelit të mesëm në qeveri.

Shërbimi federal i shtypit nuk pranoi të komentojë rastin, duke theksuar se ata nuk ndërhyjnë në hetimet në vazhdim. Fokusi i veprimtarive të shërbimit të inteligjencës egjiptiane në Gjermani është të mbledhë informacione rreth opozitës egjiptiane që jeton në atë vend, deklaroi Shërbimi i Mbrojtjes Kushtetuese në raportin e tij vjetor.

Në të njëjtën kohë, shtojnë ata, fokusi i kolegëve egjiptianë janë kryesisht anëtarët e Vëllazërisë Muslimane.

Mendoni se duhet të hapen listat e partive dhe të ndalohen koalicionet parazgjedhore?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *