Shkarkoni aplikacionin e Fax Web

 


AktualitetFlashKryesoreTe FunditTe Gjitha

Zbardhet kërkesa e Prokurorisë: Henri Çili dhe burrat e tjerë qëndrojnë në burg, gratë ‘detyrim paraqitje’

Prokuroria e Përmetit ka dhënë pretencën për të arrestuarit në kuadër të operacionit të dkoduar si Mezgorani’ ku mes tyre është edhe botuesi i njohur Henri Çili.

Burime bëjnë me dije se për të gjithë burrat e arrestuar (29 në total) është dhënë masa e “arrestit me burg” me përjashtim të Betim Shkupit ndërsa për gratë “detyrim paraqitje”.

Faxweb.al mëson se është dhënë pretenca me “arrest shtëpie'” për Shpresa Gjocaj dhe Kejsi Meçon ndërkohë që i vetmi ndaj të cilit ende nuk ka një qëndrim është Betim Shkupi.

Mësohet se Shkupi do të gjykohet nga një gjyqtar tjetër teksa theksojmë se ky i fundit është personi që kishte përplasje interesi me gjyqtarin pasi kishin qenë shokë klase.

Mësohet se për Bekim  Shkupin i është beërë kërkesë Gjykatës së Apelit  që të vendosë Këshilli i Lartë Gjyqësor në lidhje me emrin e gjyqtari që do ta gjykojë ndërsa mendohet se procesi ndaj tij, ndryshe nga të tjerë do të zhvillohet ditën e nesërme.

Pak orë më parë kanë mbërritur nën masa të forta sigurie në Gjykatën e Përmetit 30 të arrestuarit e operacionit Mezhgorani, mes të cilëve dhe botuesi Henri Çili, të cilët pritet të njihen me masën e sigurisë nga Gjykata ndërkohë që sapo është dhënë pretenca nga Prokuroria.

Duke qenë se ka një numër të madh të ndaluarish, seanca e sotme pritet që të zgjasë, ndërkohë që në ambientet e jashtme të Gjykatës janë grumbulluar një numër i madhe familjarësh të personave të ndaluar.

Gazetarja e Fax Neës Ervina Shehaj, shprehet se për seancën e sotme ka pasur një përplasje mes prokurorit dhe Gjykatësit të çështjes, nëse masat duhet të jepeshin këtë të dielë apo ditën e nesërme.

Ka qenë policia e Gjirokastrës ajo që ka kërkuar që seanca të bëhet sot, pasi të hënën nuk kishte efektiv mjaftueshëm për të shoqëruar të pandehurit.

Në përfundim është vendosur që të 30 të ndaluarit të dalin sot përpara gjykatës, duke qenë se kanë kaluar 48 orë nga operacioni i policisë, që i çoi në pranga.

Prokuror i çështjes është Asllan Barjami ndërkohë që gjykatësi që do të japë vendimin është Dritan Hasani, ndërkohë që kanë bërë dhe kallzim ndaj njëri-tjetrit në prokurori.

Dje ishte vendosur që gjykatëse e çështjes të ishte Yrvete Shkreli, dhe pas përplasjeve është vendosur Hasani.

Kujtojmë se botuesi Henri Çili akuzohet për veprat penale “Fshehja e të ardhurave”, “ Pastrimi i produkteve të veprës penale ose veprimtarisë kriminale”, “Falsifikimi i dokumenteve”, “Mashtrimit”, “Ushtrimi i ndikimit të paligjshëm ndaj personave qe ushtrojnë funksione publike” dhe “Falsifikimi dokumenteve” në bashkëpunim.

Ka dyshime se ai do të ndërhynte te Gjykata e Lartë për ti hequr dënimin e përjetshëm Arbion Alikos, që është dënuar për vrasjen e efektivit të RENEA-s Ibrahim Basha na Lazarat.

(E.K&FAGJ/FAXWEB.AL)

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *