Xhaxhai i Aleks Nikës, i vrarë më 21 janar të vitit 2011 ka zhvilluar një takim me kreun e SPAK, Altin Dumani. Mark Nika mësohet së i ka kërkuar që Prokuroria e Posaçme të hetojë dosjen për vrasjen e nipit të tij, 11 vite më parë. Nika i ka shprehur Dumanit se nuk kanë besim te prokuroria e Tiranës, sa i takon zbardhjes së ngjarjes, se kush qëlloi mbi Aleks Nikën më 21 janar 2011.
“Dosja të hetohet nga SPAK. Ne si familje nuk kemi besim te prokuroria e Tiranës. Ne duam që SPAK të tërheq dosjen. SPAK i ka mundësitë të bëjhë një hetim efektiv”– mësohet ti ketë thënë Mark Nika, kreut të SPAK, Altin Dumani.
Ky i fundit ndërkohë është shprehur se do të respektohen procedurat ligjore në lidhje me rastin.
