Vrau fqinjin pas një debati banal në një lokal në zonën e Kënetës, vetëdorëzohet në polici Ndue Zefi 38 vjeç.
Burimet zyrtare të policisë bëjnë të ditur se është dorëzuar në policinë e Shkodrës autori i vrasjes së Martin Ndrecës 45 vjeç. Ngjarja ndodhi tre ditë më parë në zonën e Kënetës në Durrës pranë banesës së viktimës.
Ky i fundit së bashku me autorin disa orë para se të ndodhte vrajsa kanë pirë së bashku në një lokal të zonës, ndërsa janë konfliktuar verbalisht për çështje banale.
Autori, i vetëdorëzuar tashmë ka shkuar në banesën e tij ka marrë armën kallashnikov dhe e ka pritur viktimën e tij teksa kthehej për në banesë dhe e ka qëlluar me 5 plumba.
Mësohet se një plumb në zonën e shpatullës ka qenë fatale për viktimën Ndreca i cili u gjet i pajetë në orët e mëngjesit të së dielës së shkuar (lexo ketu).
Ngjarja e rëndë ndodhi në orët e para të mëngjesit të ditës së dilë në zonën e ish-Kënetës në Durrës. Viktima sipas burimeve policore është Martin Ndreca, me origjinë nga Lezha dhe me banim në zonën ku u gjet i vrarë.
Mësohet se mes viktimës dhe autorit ka pasur një konflikt banal në një nga lokalet e lagjes, që më pas ka çuar në ngjarjen e rëndë, ku Ndreca u vra brenda mjetit të tij.
Mësohet se viktima dhe autori njiheshin me njëri-tjetrin, madje para vrasjes kishin qenë të ulur bashkë në lokalin e lagjes, aty ku edhe ka nisur konflikti mes tyre teksa pinin.
Në vendngjarje janë gjetur 5 gëzhoja të qëlluara nga një automatik, ndërsa në trupin e viktimës është gjetur një plumb, në zonën e shpatullës.
