“Vrasës, do iu marrim jetën”, familja e studentes greke nuk përmbahet ndaj shqiptarit dhe grekut: Mos kini mëshirë për ta

Kur kanë kaluar jo pak kohë që nga vrasja macabre e shtetases greke Eleni Topaloudi, studentes 21-vjeçare nga ishulli i Rodosit, ende për familjen e saj nuk ka marrë zgjidhje zbardhja e të vërtetës ku përfshihen autër e dyshuar Aleksandër Luca dhe shoku i tij nga shteti grek

Nëna e Elenit, nuk e ka përmbajtur veten para dy të pandehurve, të cilët akuzohen për vrasjen e vajzës së saj.

“Vrasës, unë do të marr jetën tuaj, ju keni shkatërruar jetën tonë dhe jetën e fëmijës tim dhe unë duhet të rri dhe t’ju shoh këtu. Vrasës!”– ka thënë nëna gjatë seancës duke u çuar dhe duke dalë jashtë.

As babai i 21-vjeçares nuk ka ndenjur i qetë duke ‘shpërthyer’ ndaj dy të rinjëve, njëri prej të cilëve është me origjinë shqiptare.

“Ju nuk keni turp as pak, për çfarë konsensusi po flisni? Me thikë në fyt ju e përdhunoni … Vajza jonë ishte “e pafat”, nëse nuk do ishte Eleni do të ishte një vajzë tjetër,”- është shprehur ai.

Të dy prindërit janë shprehur që trupa gjykuese mos të ketë mëshirë për dy të rinjtë duke kërkuar për ta dënimin maksimal.

Aleksandër Luca 20 vjeç dhe shoku i tij grek Manolis Koukouras 21 vjeç mbahen në paraburgim pasi janë të dyshuar për abuzimin dhe vrasjen e studentes 21-vjeçare Eleni Topaloudi. Të dy kanë pranuar përfshirjen në krim, por akuzojnë njëri-tjetrin si personin që e dhunoi me hekur në kokë dhe që më pas mori vendimin për ta hedhur trupin e saj në det. Ngjarja e rëndë ka ndodhur më 28 Nëntor 2018 në ishullin e Rodos në Greqi.

Së fundmi, ndaj Aleksandër Lucës është bërë një tjetër akuzë. Një vajzë 19-vjeçare me aftësi të kufizuara është abuzuar seksualisht dy ditë pas ngjarjes së studentes Eleni Topaloudi në po të njëjtin ishull. Për këtë, i arrestuar është një 23-vjeçar rom.

Edhe Aleksandër Luca akuzohet për këtë ngjarje, por ai vazhdon ta mohojë. Deri më tani, provat që rëndojnë kundër tij për rastin e vajzës 19-vjeçare, janë dëshmia e kësaj të fundit, e 23-vjeçarit rom dhe e disa dëshmitarëve të tjerë që kanë deklaruar se e kanë parë Lucën jashtë shkollës ku studion e abuzuara.

(F.GJ/FAXWEB.AL)