Ushtruesja e detyrës së presidentit në Republikën e Kosovës, Vjosa Osmani, nëpërmjet një postimi në rrjete sociale, ka njoftuar se slogani i listës me të cilën do të kandidojë në zgjedhjet e përgjithshme në vend që do të mbahen mes muajt shkurt- Mars është GUXO.
Osmani e ka treguar sloganin e listës së saj përmes një postimi në Facebook, ku edhe ka publikuar një fotografi të logos së listës.
Deri më tani, përveç Haxhi Avdylit, nismës së Osmanit i janë bashkëngjitur në listë edhe disa asambleistë të LDK-së. Një emër tjetër i folur për bashkëngjiten në këtë listë është edhe Korab Sejdiu.
Postimi i Vjosa Osmanit në Facebook:
“Të guxosh është rezistencë kundrejt një situate kur pashpresa dominon optimizmin, kur frika krijon hapësirë, kur reagimi merr fund. Vjen një moment dhe një kohë kur nevoja për transformim kërkon veprim. Andaj GUXO! Guximi për sot është ndryshimi për nesër! ”