Sapo ka mbërritur në ambjentet e Spitalit të Traumës në kryeqytet 47-vjeçari Xhevahir Jonuzi I plagosur ditën e sotme gjatë një operacionit të RENEA-s për arrestimin e tij pasi është I dënuar me 25-vite burg për vrasje.
Fax News mëson se Jonuzi do ti nënshtrohet një ndërhyrjeje kirurgjikale në këtë spiatl dhe më pas do të transportohet për në spitalin e burgut, ndërsa sjellim në vëmendje se ai u plagos pas një shkëmbimi zjarri me forcat e RENEA-s në Vlorë.
Ai ka mbërritur në Tiranë i shoqëruar nga forca të shumta sigurie ndërsa nuk është lejuar afrimi i medias në ambientet e spitalit.
Jonuzi ka mbetur i plagosur gjatë shkëmbimit të zjarrit në fshatin Hoshtimë duke marrë një plumb në këmbën e djathtë në pjesën e kofshës, ndërsa ambulancën me të cilën po transportohet drejt Tiranës po e shoqëron edhe një grup policor që e ka marrë në mbikqyrje.
Jonuzi ndodhej prej disa vitesh në kërkim, ndërsa gjatë operacionit për kapjen e tij mëngjesin e sotëm ka qëlluar me armë në drejtim të policisë, duke iu rrezikuar jetën.
Në kundërpërgjigje, RENEA ka qëlluar në drejtim të Jonuzit duke e lënë atë të plagosur në këmbë, jashtë rrezikut për jetën.
”Gjatë vendosjes së perimetrit të sigurisë, 47 vjeçari Jonuzi ka parë forcat e Policisë dhe ka dalë me vrap nga banesa me armë zjarri pistoletë, të cilën e mbante në dorë. Renea i ka bërë thirrje të dorëzohej dhe të hidhte armën e zjarrit, por shtetasi Jonuzi ka hapur zjarr në drejtim të forcave speciale duke rrezikuar jetën e tyre. Në proporcion të drejtë me zjarrin e personit, Forcat speciale Renea i janë kundërpërgjigjur për ta neutralizuar dhe gjatë shkëmbimit të zjarrit Xhevahir Jonuzi mbeti i plagosur në këmbë”, njofton policia.