Video/ Si u arrestua në Itali 34-vjeçari i ekzekutuar dje në Elbasan, ishte shënjestra atentatit

Endrit Alibej, 34 vjeç, një nga tre personat e ekzekutuar në Elbasan mbrëmjen e kaluar, rezulton i arrestuar për trafik ndërkombëtar droge. Endrit Alibeaj (Dylgjeri) mendohet se ka qenë shenjestra e atentatit të djeshëm

Në Qershor të vitit 2013, policia italiane ka goditur një organizatë droge që drejtohet pikërisht nga Alibej, në bashkëpunim me pesona të tjerë.

Në operacionin e kapjes së anëtarëve të bandës u përfshinë 300 policë të komandës të ASTI-t dhe Val D’Aosta-s.

Trafiku i kokainës kryhej në veri të Italisë, në Asti dhe rezulton se në tërësi shqiptarët trafikuan 31 kilogramë kokainë, në vlerë 10 milionë euro.

Sipas medias italiane në atë kohë u tha se njeri grup përbëhej nga: Vexhi Shahinaj, Sajmir Guradeci dhe Urim Shahinaj.

Kurse grupi tjeter nga dy vëllezërit shqiptarë Erion e Endrit Alibej nga Elbasani, qe administronin një trafik kokaine ne kete ane te Italise. Ne kohen e arrestimeve policia italiane kishte zbuluar se vellezerit furnizoheshin me droge nga Sajmir Serjani, banues në Torino, i identifikuar të jetë anëtar i një grupi trafikantësh shqiptarë me bazë në Holandë.

Droga vinte nga Holanda dhe hynte në Itali nëpërmjet kufirit të veriut. Më pas lënda narkotike, e llojit kokainë, tregtohej në Asti, Udine, Brescia, Savona, Xhenova, Piza, Parma dhe Milano.

Nga atentati mbetën të vdekur dhe dy persona të tjerë Arben Dylgjeri 54 vjeç dhe shtetasi turk Erdal Duranay 51 vjeç.

Ngjarja ndodhi në Bradashesh, ndërsa tre viktimat ishin duke udhëtuar me një  mjet me targa italiane AG71wYP kur janë qëlluar me breshëri kallashnikovi.

Dyshohet se vrasja e tre fishtë ka ndodhur për pazare droge kryesishtnë Holandë dhe Angli ku edhe qëndronin viktimat prej më shumë se 5 vitesh.

(M.Q/Faxweb.al)