AktualitetFlashKryesoreTe FunditTe Gjitha

Video/ Nga rrahja e avokatit para gjykatës, tek dhjetëfishimi i pasurisë, kush është prokurori Arjan Ndoja për të cilin Rama kërkoi të arrestohet

Kryeministri Edi Rama nga foltorja e Kuvendit, pa përmendur emra, foli për një Prokuror në Durrës i cili sipas tij është lidhur me krimin e organizuar dhe se u bën shantazh nëpunësve të shtetit, ndërkohë që deklaroi se Drejtësia që po bën do ta arrestojë.

Deklarata e kryeministrit, i referohej pikërisht prokurorit Arjan Ndoja, i cili fundmi nga hetimet e kryera në Durrës ka vënë në pranga disa zyrtarë të lartë socialistë.

Por emri i tij nuk është i padëgjuar për median. Avokati Ilia Ilia u dhunua fizikisht në hyrje të Gjykatës së Durrësit nga dy persona, ndërkohë që Ilia hodhi menjëherë akuza në drejtim të prokurorit Arian Ndoja.

Një nga personat e identifikuar që dhunoi avokatin ishte, Mand Voga, mik i Prokurorit Arjan Nodja, i cili u identifikua nga kamerat e sigurisë  që rrahu avokatin Ilia Ilia.

Vajza e Ilias atë kohë denoncoi gjithë dhunën në redaksinë e Faxweb.al, duke u shprehur se personat që e kanë rrahur avokatin, babanë e saj,  janë shprehur qartë se e kanë bërë në emër të Prokurorit.Për çështjen në fjalë u tha zyrtarisht se kishin nisur hetimet, por Arjan Ndoja nuk dënua.

Arjan Ndoja është përfolur edhe për pasurinë e tij të pajustifikueshme. Sipas të dhënave të deklaratave të pasurisë të pasqyruara në Open Spendig Albania, rezulton se ai ka dhjetëfishuar pasurinë për katër vjet.

Gjatë vitit 2004,  Ndoja deklaron një pasuri prej 20 mijë euro dhe 200 mijë lekë. Dhe pas katër viteve, pikërisht në vitin 2008 ai rezulton me një pasuri mbi 760 mijë euro.

Ditën e sotme zëvendës kryeministri Erion Braçe, i pranishëm në seancën gjyqësore të ish-drejtorit të Kadastrës në Durrës, Liridon Pula, i cili u la në burg, hodhi akuza ndaj prokurorit Arjan Ndoji.

Sipas Braçes, nga ajo çfarë ka dëgjuar në seancë, prokuroria nuk paraqiti asnjë provë për akuzën e ngritur dhe se gjithcka vjen në formë presioni për të legalizuar pallate dhe toka të bandave.

“Liridon Pula akuzohet për çështje që nuk i përkasin. Është absurde që një nënpunës i shtetit të jetë nën presionin e një prokurori që punon për grupet kriminale”, tha Braçe.

(M.Q/Faxweb.al)

Fjalët Kyce

Artikuj të Ngjashëm

Leave a Reply

Your email address will not be published. Required fields are marked *