Shkarkoni aplikacionin e Fax Web

 


AktualitetFlashTe FunditTe Gjitha

VIDEO/Hyn në zyrën e tij në Gjykatën Kushtetuese, Besnik Muçi flet për Fax News: Ky është shansi i fundit

Besnik Muçi, i cili u shkarkua dje nga Komisioni i Posaçëm i Apelimit, ka deklaruar se çështjen e tij do ta dërgojë në Strasburg.

I pyetur nga Fax News në lidhje me këtë, Muçi u shpreh se do të shterojë të gjitha mjetet ligjore që ka në dispozicion.

“Do vijon punën. Do të shteroj të gjithë mjetet ligjore që kam në dispozicion. Pasi të jenë shteruar këto çështje, do ta çoj çështjen në Strasburg.”– ka deklaruar Muçi.

Ndërkohë ditën e sotme anëtari i Gjykatës Kushtetuese ka mbërritur sot në zyrën e tij, duke mos e njohur praktikisht vendimin e dhënë ndaj tij nga organet e Vetingut.

Siç e theksoi dhe dje në daljen e tij para gazetarëve, Muçi tha se anëtarin e Gjykatës Kushtetuese nuk mund ta shkarkojë asnjë prej institucioneve të Vetingut në rast se ai ka bërë betimin përpara presidentit dhe ka nisur detyrën.

Ndërkohë që shkarkimi i tij rindezi dhe njëherë tjetër përplasjet mes Presidentit Meta dhe qeverisë Rama e disa ndërkombëtarëve, të cilët kreu i shtetit i ka etiketuar si palaço.

Sipas Metës e vetmja mënyrë për të dalë nga kriza në të cilën ndodhet vendi, është Referendumi, ku qytetarët do të vendosin vetë, se kush është në mbrojtje të Kushtetutës.

(M.Q/Faxweb.al)

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *