VIDEO/ Fluks masiv në pikën kufitare të Morinës, kosovarë që kthehen nga perëndimi dhe shtetas shqiptarë që do festojnë në Kosovë

Në pikën kufitare të Morinit, prej pasditës së djeshme dhe deri tani janë shënuar radhë të gjata të qytetarëve të Kosovës që po kthehen nga perëndimi për festat e fundvitit.

Po kështu ka patur edhe shqiptarë nga Shqipëria që kanë zgjedhur që festat t’i kalojnë në Kosovë.

Policia Kufitare e Kosovës momentalisht punon me procedurë të përshpejtuar për shmangien e radhëve të gjata. Sipas informacioneve nga Policia Kufitare e Kosoves, deri tani nëpërmjet pikës Kufitare Morinë janë futur 3430 automjete dhe 8983 shtetas të huaj/shqiptar për 24 orët e fundit.

Gazetari i Fax News Ermal Hallaçi raporton se sipas Shefit të turnit, Shefshet Gashi, fluksi më i madh i automjeteve është pasdite, pasi shumë emigrantë zbresin në Durrës nga Trageti, ndërsa në hyrje përmes Shqipërisë janë futur 3242 automjete dhe 7000 shtetas të huaj dhe Shqiptarë.

(F.GJ/FAXWEB.AL)