Është shënuar viktima e parë si pasojë e koronavirusit në vendin tonë.
Lajmi është konfirmuar nga vetë Ministria e Shëndetësisë, e cila thotë se 73-vjeçarja vuante nga sëmundje të tjera bashkëshoqëruese: Insuficience kardiake kronike, SPOK, Nyha III, Fibrilation atrial, hypertyreisis, tatus post by pass.
Ndërkohë që një prej familjareve në një komunikim për Fax News, u shpreh se është e gënjeshtërt që e moshuara e kishte fshehur udhëtimin drejt Italisë. Sipas tyre doktorët e dinin shumë mirë që e moshuara kishte qenë në Itali, pasi e kishte dhe në kartelën e saj mjekësore.
“Doktorët e kanë ditur shumë mirë që ka qenë në Itali, i kanë parë të gjitha letrat . Thanë që kishte nevojë për oksigjen, nëna ka një vit e gjysmë që ka pasur probleme me frymëmarrjen”, u shpreh e afërmja për Fax news.
Burime bëjnë me dije se për shkak të kontaktit me pacienten, dy mjekë dhe katër infermierë janë vetëizoluar.
“Pacientja 73 vjeçare e konfirmuar me COVID-19 ka ndërruar jetë pak minuta më parë nga komplikacionet e rënda, si pasojë e disa sëmundjeve bashkëshoqëruese kardiake dhe pulmonare.
73-vjecarja vuante nga sëmundje të tjera bashkëshoqëruese: Insuficience kardiake kronike, SPOK, Nyha III, Fibrilation atrial, hypertyreisis, tatus post by pass”, shprehet zyrtarisht MSH.
Momentet kur e moshuara u rikthye në spitalin e Durrësit, pasi u tentua transporti drejt Tiranës:
