I gjithë Irani është ngritur në protestë pas vrasjes së gjeneralit Kasem Sulejmanit nga forcat amerikane. Mijëra qytetarë u panë duke marshuar në Teheran dhe qytete të tjera për të protestuar.
Në pamjet e publikuara nga mediat lokale, shihen burra, gra dhe fëmijë që mbajnë në duar foto të gjeneralit të vrarë, duke qarë dhe të tjerë duke tundur grushtat e tyre, duke bërtitur “Vdekja për Amerikën” dhe “Hakmarrja, hakmarrja, hakmarrja”.
Protestuesit gjithashtu grabitën një flamur amerikan dhe e dogjën gjatë protestave. Në Iran janë shpallur 3 ditë zie kombëtare, ndërsa për Sulejmanin do të ketë ceremoni mortore si në Iran, ashtu edhe në Irak,
Ndërkohë, Udhëheqësi Suprem, Ayatollah Ali Khamenei, është zotuar për hakmarrje të ashpër ndaj Shteteve të Bashkuara të Amerikës.
Në një postim në “Twitter”, ministri i Jashtëm i Iranit, Javad Zarif, e përshkroi sulmin amerikan si një veprim të terrorizmit ndërkombëtar, duke shtuar se ishte një përshkallëzim jashtëzakonisht i rrezikshëm dhe i marrë. Ai paralajmëroi SHBA se do të mbajë përgjegjësi.
(M. I./ Faxweb.al)
