AktualitetFlashKryesoreTe FunditTe Gjitha

U zhduk 5 ditë më parë, gjendet i vdekur 17-vjeçari, familjarët: E ka vrarë shoku i tij

Është gjetur i vdekur 17-vjeçari që ishte zhdukur prej 5 ditësh në qytetin e Këlcyrës.

Matias Rizallari është gjetur i mbytur në lumin Vjosë, poshtë Urës së Dragotit gjatë orëve të para të mëngjesit të sotëm. Ishte familja e të riut ajo që kishte denoncuar prej disa ditësh zhdukjen e tij në polici, madje pretendonte se djalin mund tia kishin vrarë.

Ditën kur 17-vjeçari u zhduk ishte i shoqëruar dhe nga një shok i tij, i cili nuk jep asnjë informacion lidhur me ngjarjen, dhe është shoqëruar nga ana e policisë gjatë ditës së sotme. Egliter Dosti, 25-vjeç, sipas familjarëve ka gisht në vdekjen e djalit të tyre.

Dy të rinjtë të dielën e javës që lamë pas kanë qënë në panairin e Këlcyrës dhe më pas kanë vendosur së bashku me shokun e tij të shkonin të laheshin në lum, por Matiasi sipas burimeve nuk dinte not.

Po atë ditë  djali i zhdukur ka pasur me vete dhe 4 litra verë.

(E.K/Faxweb.al)

 

Fjalët Kyce

Leave a Reply

Your email address will not be published. Required fields are marked *