Shkarkoni aplikacionin e Fax Web

 


AktualitetFlashTe FunditTe Gjitha

U pezullua puna pasi u konstatua një fletëvotimi më shumë në kuti, rifillon numërimi në KZAZ nr.23 në Durrës

Procesi i numërimit të votave në KZAZ-në numër 23 në qytetin e Durrësit, u pezullua pasi u konstatua një fletëvotimi më shumë në një nga kutitë e votimit, por mësohet se ka rifilluar sërish pas një pauze të shkurtër.

Antëtari i KZAZ-së Aleksandër Ndrejaj, me profesion jurist, u shpreh për FaxNews se pasi kanë konstatuar fletëvotimin e tepërt kanë kërkuar pezullimin e punës dhe kanë njoftuar fillimisht KZAZ-në dhe më pas përmes një e-maili dhe KQZ-në.

Nga ana e KZAZ-së u kërkua që të vijojë numërimi i kutisë problematike, gjë për të cilin avokati thekson se përbën shkelje penale pasi kutia duhet të shpallet e pavlefshme. Ndërkohë që pritet një përgjigje nga KQZ mbi këtë kuti, grupet e punës kanë rënë dakord të vijojnë procesin e numërimit.

“Duke qenë se KZAZ 23 merret me numërimin e votave, anëtarët kanë konstatuar nga procesverbali se kanë votuar 314 shtetas, por nga konstatimi në kuti kanë vërejtur 315 fletëvotimi.

Ndodhur përballë këtij fakti kam kërkuar pezullimin e numërimit dhe kam vendosur në dijeni KZAZ-në e cila vendosi që të vijojë numërimi i kutisë së votimit.

I kam çuar e-mail Komisionerit Shtetëror të Zgjedhjeve Ilirjan Celibashi, duke e informuar me të gjitha të dhënat por nuk kam marrë ende një përgjigje.

Kemi një votë më tepër dhe kutia duhet të shpallet e pavlefshme, pasi kemi të bëjmë me një krim të kodit penal nëse vijon numërimi i kësaj kutie”, tha Ndrejaj.

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.