Policia e Elbasanit ka arrestuar në flagrancë 3 persona, pasi u kapën në tentativë për të vjedhur në mjetin e shtetasit F.Sh, banues në Podujevë, Kosovë.
Të arrestuari janë I.C., 21 vjeç, D.C., 24 vjeç dhe F.K., 19 vjeç, të tre banues në Elbasan.
Forcat e rendit dyshojnë se të arrestuarit janë autorë dhe të 4 vjedhjeve të tjera të ndodhura në qytetin e Elbasanit, në periudhën janar -mars.
Ata dyshohen se kanë vjedhur 4 banesa ku kanë marrë paisje elektro- shtëpiake, lekë, bizhuteri e sende të tjera.
Njoftimi i Plotë i Policisë:
Elbasan
Zbardhen një sërë vjedhjesh të ndodhura në qytetin e Elbasanit arrestohen në flagrancë 3 shtetas.
Në vijim të punës për parandalimin e vjedhjeve, zbardhjen e vjedhjeve të ndodhura më parë, si dhe identifikimin e vënien para përgjegjësisë ligjore të autorëve, Specialistët e Hetimit të Krimit në Komisariatin e Policisë Elbasan, arrestuan në flagrancë shtetasit:
I.C., 21 vjeç, D.C., 24 vjeç dhe F.K., 19 vjeç, të tre banues në Elbasan, pasi janë kapur në flagrancë në tentativë për të vjedhur në mjetin e shtetasit F.Sh, banues në Podujevë, Kosovë.
Nga veprimet hetimore të kryera dyshohet se këto shtetas në bashkëpunim me njërin- tjetrin dyshohet se janë edhe autorë dhe të 4 vjedhjeve të tjera të ndodhura në qytetin e Elbasanit, në periudhën janar -mars, ku dyshohen se kanë vjedhur 4 banesa ku kanë marrë paisje elektro- shtëpiake, lekë, bizhuteri e sende të tjera.
Materialet hetimore i kaluan Prokurorisë pranë Gjykatës së Shkallës Parë Elbasan për veprimet të mëtejshme.