Kryeministri Edi Rama ka reaguar pas incidentin me bojë që pati sot në Kuvend me deputetin demokrat Edi Paloka. Rama ka publikuar foton e shiringës me të cilën Paloka hodhi bojën, dhe ka ironizuar sërish me th-në e tij.
“Penda e mendimtarit E.Th.Palotha pas një derdhjeje të fuqishme mendimesh mbi rolin e opozitës në zhvillimin e vendit”.
Në një tjetër postim Rama shkruan: Dy gjëra janë të pafundme, universi dhe budallallëku i njeriut”, shkruante Albert Ainshtajni, përpara se sa opozita në Shqipëri të merrte formën e një Budallallëku Universal, që vizion ka Vezën e Lulit, ide ka Çizmen e Doktorreshës dhe program ka Bojën e Palothës
Ndërkohë që Paloka theksoi pas seancës se gjesti i tij ishte hakmarrje e të gjithë shqiptarëve.
“Kam dëgjuar e lexuar si komente se kjo ishte një hakmarrje e Palokës. Nuk ishte hakmarrje e Palokës, është hakmarrje e shqiptarëve që përditë fyhen e vidhën nga një kryeministër arrogant e i pacipë”- tha ai.
Sa për vendimin e Gardës dhe Policisë që ka nisur procedimin ndaj tij, Paloka ka thënë : “As më bëhet vonë fare. Është vetëm fillimi i 16 shkurtit, thojini që nuk ka parë realisht asgjë akoma”.
(E.K/FAXWEB.AL)
Discussion about this post