Sekretari i Përgjithëm i Partisë Demokratike Flamur Noka ka treguar si e ka marrë vesh lajmin për goditjen me grusht të Sali Berishës.
Ai theksoi se në momentin e ngjarjes ka qenë në një pjesë të bulevardit duke u marrë me përgatitjet e fundit për protestën.
“Kur ndaloi turma që po vinte nga selia dhe pamë që nuk po vinin. Ka ardhur një nga bashkëpunëtorët e mi në seli dhe më tha ndodhi një ngjarje. Më tha dikush goditi Sali Berishën. Ka qenë një moment i rëndë në aspektin emocional. Nuk është qytetar i thjeshtë si duan ta paraqesin falangat e krimit shtetëror.Është ish presidenti i këtij vendi. Është ish kryeministri për dy mandate. Është lideri i opozitës. Do apo nuk do Edi Rama, Sali Berisha është historia e pluralizmit në Shqipëri. U godit. Nuk u godit individi Sali Berisha. U godit partia. U godit opozita shqiptare. Ishte një atentat. Atentat i ngelur në tentativë. Të gjithë rrjedhojat e ngjarjes dje dhe sot e vërtetojë qartësisht këtë”, deklaroi Flamur Noka në “Open”.
Sipas Nokës, ngjarja e djeshme është produkt i dhunës së artikuluar nga kryeministri Edi Rama edhe në seancat e fundit në parlament.
“Partia Demokratike në 32 vite ka qenë gjithmonë e sulmuara dhe e goditura nga ish komunistët në pushtet. PD ka edhe viktimat e saj. Duke filluar nga i ndjeri Azem Hajdari dhe më parë. Gjithmonë sulmohet fizikisht kundër Partisë Demokratike.Ka një vit ëq Edi Rama bën gjithçka të asgjësojë opozitën. Ka një vit që ushtron dhunë nga mëngjesi në darkë sa herë del në televizor. Ushqen dhunë. Po du seancat e fundit zonja Vasili çfarë ishin. Dhunë dhe dhunë. Ato skena dhune nuk janë parë ndonjëherë. Kur kryeministri bën thirrje për dhunë kjo është në vrazhdën e qasjes që Edi Rama ka ndaj opozitës. Ka nisur për ta zhdukur opozitën”, deklaroi ai.
