Shkarkoni aplikacionin e Fax Web

 


AktualitetBotaFlashPolitikëTe FunditTe Gjitha

Trudeau injòron Trump në bisedimet me Meksikën, nuk merr pjesë në takim dhe kjo është arsyeja

Kryeministri Kanadez Justin Trudeau nuk do të marrë pjesë në bisedimet në Uashington këtë javë për të shënuar fillimin e një marrëveshje të re tregtare të Amerikës së Veriut, por presidenti i Meksikës tha që të dy do të bisedojnë me telefon më vonë të hënën në mëngjes.

Presidenti Meksikan Andres Manuel Lopez Obrador do të takohet me Presidentin e SHBA Donald Trump në Shtëpinë e Bardhë të Mërkurën, në udhëtimin e tij të parë jashtë Meksikës që nga marrja e detyrës. Lopez Obrador e kishte kërkuar publikisht Trudeau të bashkohej me të në Uashington.

Udhëheqësi Kanadez do të marrë pjesë në mbledhjet e kabinetit dhe një seancë parlamenti në Otava, tha zyra e tij në një deklaratë. “Ne i dëshirojmë që Shtetet e Bashkuara dhe Meksika të gjejnë gjuhën e përbashkët në takimin e së Mërkurës,” thoshte deklarata, duke theksuar se kishte pasur diskutime për pjesëmarrjen e mundshme të Kanadasë.

Trudeau më parë tha se ai nuk ishte i sigurt për të marrë pjesë, duke përmendur tensionet për tarifat e mundshme të SH.B.A-së në aluminin kanadez. Lopez Obrador të hënën u tha gazetarëve se Trudeau ishte i ftuar në Meksikë dhe se ata do të flisnin rreth orës 09:30 me kohën lokale. Ndërkohë deklarata Kanadeze nuk përmendi thirrjen telefonike në fjalë.

Lopez Obrador shtoi se ai do të bëjë një test koronavirus përpara se të largohej nga Meksika, dhe ishte i përgatitur të bënte një tjetër në Shtetet e Bashkuara nëse kërkohej ta bënte këtë.

(F.GJ/FAXWEB.AL)

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *