Tronditen banorët, shpërthen lënda plasëse në katin e dytë të pallatit në Allias

Një shpërthim ka ndodhur në një pallat në rrugën “Njazi Meka” në Tiranë, në zonën e Alliasit.

Mësohet se një sasi lënde plasëse ka shpërthyer në shkallët e katit të dytë të një pallati.

Lënda plasëse ka shpërthyer në orët e para të mëngjesit, dhe ka shkaktuar panik te banorët.

Fatmirësisht nga shpërthimi nuk raportohet për persona të lënduar, por vetëm dëme materiale.

Policia nuk ka ende një komunikim zyrtar, por përmes burimeve mohon se ka pasur shpërthim me tritol.

Sipas policisë ajo që ka shkaktuar zhurmën e madhe që alarmoi banorët ka qenë një kapsollë.

Vijojnë verifikimet për rastin.

Lexo lajmin e përditësuar: 

Shpërthimi pranë pallatit në Tiranë, reagon me urgjencë policia: Ka qenë një kapsollë, ja kush na lajmëroi

(E.K/Faxweb.al)