Për herë të parë, realizohet me sukses transplanti i zemrës në shtetin fqinj

Transplantimi i parë i zemrës që është kryer mbrëmë në Klinikën për Kirurgji Kardiake Shtetërore është i suksesshëm, njoftoi në Facebook ministri i Shëndetësisë në Maqedoninë e Veriut, Venko Filipçe.

“Transplantimi ishte i suksesshëm! Ky është një sukses i madh për shëndetësinë në Maqedoni. Urime për të gjithë kolegët”, ka shkruar Filipçe, transmeton Alsat.

Transplantimi i parë i zemrës kadaverike, pra një transplantim nga një donator i vdèkur, është realizuar nga një ekip prej tre kardiokirurgëve dhe një anesteziologu. Pjesë e ekipit nën drejtimin e prof. Dr. Sashko Jovev, janë edhe Dr. Zhan Mitrev,  Dr. Aleksandar Nikoliç dhe anesteziolog Dr. Maja Mojsova.